Read a news report in Friulian
Vigjii dal Fûc ancjemò in vore pai dams dal maltimp: A son lâts indenant par dute la gnot i intervents dai pompîrs par cause dai dams provocâts de bugade di maltimp che su la nestre regjon e à puartât aghe a seglots cuntune vore di inagaments e aiaron, in cierts câs ancje trombis di aiar, come chês regjistradis a Dignan e a Buie. A son stâts almancul vincj i intervents di socors urgjent finîts des 8 di sere di îr aes 8 di vuê di matine des scuadris dal Comant di Udin. Intal dopomisdì di îr sul tart, une trombe di aiar e à batût lis zonis di Dignan e di Buie, tirant jù arbui, fiscant lis struturis de sagre di Dignan e fiscant ancje cuvierts, tant che des 6 aes 8 di sere a jerin stâts passe 50 i intervents di socors par tirâ vie arbui colâts e ramaçs e meti in sigurece i cuvierts ruvinâts e altris struturis instabilis. Intervignudis scuadris che a rivavin ancje di Codroip e Spilimberc, intant che a Buie al à lavorât par meti a puest i cuvierts ruvinâts il personâl dai Vigjii dal Fûc di Glemone. A Codroip par un fûc impiât di une saete intun cuadri eletric a son invezit rivâts i pompîrs di Sant Vît dal Tiliment. La ultime emergjence e je stade a Tor di Zuin vuê sul cricâ dal dì par cause di un ramaç grues colât suntune machine, par fortune cence fâ mâl a nissun. / Riferiment: La Vôs dai Furlans.
Understand the Friulian
Vigjii dal Fûc ancjemò in vore (fire brigades still at work) pai dams dal maltimp (due the damage from the bad weather): A son lâts indenant par dute la gnot i intervents dai pompîrs (firefighting interventions were carried out all last night) par cause dai dams provocâts de bugade di maltimp (due to the damage caused by the wave of bad weather) che su la nestre regjon e à puartât aghe a seglots (which brought torrential downpours to our region) cuntune vore di inagaments e aiaron (with widespread flooding and heavy wind), in cierts câs ancje trombis di aiar (in some cases even tornadoes), come chês regjistradis a Dignan e a Buie (such as those recorded in Dignan and Buie). A son stâts almancul vincj i intervents di socors urgjent (there were at least twenty emergency rescue operations) finîts des 8 di sere di îr aes 8 di vuê di matine (carried out between 8 last evening and 8 this morning) des scuadris dal Comant di Udin (by the Udin Command teams). Intal dopomisdì di îr sul tart (late yesterday afternoon), une trombe di aiar e à batût lis zonis (a tornado struck the areas) di Dignan e di Buie (of Dignan and Buie), tirant jù arbui (knocking down trees), fiscant lis struturis de sagre di Dignan (damaging the structures of the Dignan fair) e fiscant ancje cuvierts (and also damaging roofs), tant che des 6 aes 8 di sere (so much so that from 6 to 8 in the evening) a jerin stâts passe 50 i intervents di socors (over 50 rescue operations were carried out) par tirâ vie arbui colâts e ramaçs (to remove fallen trees and branches) e meti in sigurece i cuvierts ruvinâts (and secure damaged roofs) e altris struturis instabilis (and other unstable structures). Intervignudis scuadris che a rivavin ancje di Codroip e Spilimberc (teams that came from Codroip and Spilimberc also intervened), intant che a Buie (whilst in Buie) al à lavorât par meti a puest i cuvierts ruvinâts il personâl dai Vigjii dal Fûc di Glemone (personnel from the Glemone fire brigade worked to repair damaged roofs). A Codroip (in Codroip) par un fûc impiât di une saete intun cuadri eletric (due to a fire caused by a lightning strike to an electrical panel) a son invezit rivâts i pompîrs di Sant Vît dal Tiliment (came rather firemen from Sant Vît dal Tiliment). La ultime emergjence e je stade a Tor di Zuin (the last emergency was in Tor di Zuin) vuê sul cricâ dal dì (today at daybreak) par cause di un ramaç grues colât suntune machine (due to a thick branch that had fallen on a car), par fortune cence fâ mâl a nissun (fortunately without injury to anyone).
Un seglot: pail, bucket. Aghe a seglots: water by the pails, which is to say, torrential rain, downpours.