A bit of tragicomedy (un pôc di tragjicomedie) in Friulian (par furlan), second part (part seconde):
Chest fusîl al è la uniche arme ch’o ài cun me. Dentri al è dome un colp. E chel colp al è pal gno obietîf. Nissun al à di impaçâsi tra me e il gno obietîf. -Ch’al mi scusi se mi impaci, ma o vin un probleme cu la sô cjamare. -Ce probleme? -Mi displâs. Vuê al è un bordel cun chê manifestazion e chel altri client... -Chel altri cui? -O ài prenotade la cjamare trê setemanis fa, e o varès la precedence. -Ma ce precedence e precedence! Jo o soi chi za di miezore. Cheste e je la uniche precedence. Lui al pos vê prenotât un an fa, dîs agns fa. Nol interesse nie a di nissun. -A mi mi interesse. O ài prenotade la cjamare trê setemanis fa e cumò... -Sì, chest lu sai. Se Lui mi jude, i cjatìn une soluzion. -O ài capît cuale che e je la soluzion. La soluzion e je chê di parâmi fûr di ca. E jo o ài ancje di judâLu? Aio ancje di dâmi une pidade tal cûl? Jo o ài prenotade la cjamare trê setemanis fa, al è pôc di discuti, o ài reson e vonde, parcè che jo o ài prenotât... -Vonde! -O stoi vignint fûr di un grâf esauriment. Si à di tratâmi ben... cocolâmi...
This rifle is the only weapon I have with me. There’s only one shot in it. And that shot is for my target. No one must interfere between me and my target. -Excuse me if I’m interfering, but we have a problem with your room. -What problem? -I’m sorry. Today is a mess with that event and the other customer… -The other who? -I booked the room three weeks ago, and I should have priority. -Priority, my foot! I’ve already been here for half an hour. That’s the only priority. You could have booked a year ago, ten years ago. It doesn’t matter to anyone. -It matters to me. I booked the room three weeks ago, and now… -Yes, I know that. If you help me, we’ll find a solution. -I’ve figured out what the solution is. The solution is to kick me out of here. And I’m supposed to help you too? Should I also give myself a kick in the arse? I booked the room three weeks ago, there’s little to discuss, I’m right and that’s it, because I booked… -Enough! -I’m coming out of a nervous breakdown. I have to be treated well… cuddled...
« Part 1