12 June 2025

FAKE NEWS: Scuintri fatâl e fughe a pît: cjanut salvât, vuidadôr al mûr in sale operatorie

L’incident sucedût vuê di matine tor des nûf e mieze al è stât trement, tant che al è muart il vuidadôr di une Honda, tamponade di une Renault. Par vie dal bot, la Honda si è capotade, lant a cjâf in jù denant di un cimitieri, propit sot i vôi di une anziane che e veve in man un mac di rosis. Il vuidadôr de Renault, cjoc in bale, al somee che al vedi bandonât la morose, che si jere fate mâl tal puest dal passizîr; al è lât vie a pît, çuetant e inçopedantsi plui voltis, cence nancje controlâ cemût che al stave il vuidadôr in chê altre machine. Sul puest a son rivâts i sanitaris e i pompîrs che a àn lavorât a lunc e cun grande cure par tirâ fûr de machine il vuidadôr de Honda, un om di cuarantedoi agns. Al è stât puartât di corse in ospedâl cul codiç ros; magari cussì no, al è muart in sale operatorie. No je invezit in pericul di vite la femine di vincjecuatri agns restade feride te machine. E jere cjoche ancje jê, tant che adiriture si è metude a barufâ cui cussins di sigurece de machine e a visâ dal incident cun segnâi di fum doprant un spagnolet impiât. Lis vuacadis di un cjanut a àn riclamât la atenzion dai pompîrs; la puare besteute, amì a cuatri çatis dal vuidadôr muart, e jere dentri de Honda al moment dal bot: i pompîrs lu àn lassât intes mans dai volontaris dal socors veterinari. La anziane cul mac di rosis in man e à dit: «Il mont al è doventât mat, çocs cussì a li nôf di bunora. No si pos nença zî a jodi dal om tal simiteri».

The accident that occurred this morning at about nine thirty was so terrible, that the driver of a Honda, hit by a Renault, died. Due to the impact, the Honda overturned, landing upside down in front of a cemetery, right under the eyes of an elderly woman holding a bouquet of flowers. It seems the driver of the Renault, drunk out of his wits, abandoned his girlfriend, who had been injured in the passenger seat; he fled on foot, limping and tripping numerous times, without even checking on the driver in the other car. At the scene arrived paramedics and firemen, who worked at length and with great care to remove the Honda driver, a forty-two-year-old man, from the car. He was rushed to hospital under code red; unfortunately, he died in the operating theatre. As for the twenty-four-year-old woman who remained injured in the car, she is not in life-threatening condition. She too was so drunk that she even began to argue with the cars airbags and to warn of the accident with smoke signals using a lit cigarette. The barking of a puppy caught the attention of the firemen; the poor little animal, four-legged friend of the dead driver, was inside the Honda at the time of the impact: the firemen left it in the hands of veterinary rescue volunteers. The elderly woman holding the bouquet of flowers said: “The world has gone mad, drunk like that at nine in the morning. You can’t even go visit your husband at the cemetery.”