Storia çalda: I pompiêrs locâi a àn vût un dopomisdì di fôc. Doi intervents, un davôr di chel atri. Tal prin dopomisdì di jêr, una scuadra dai pompiêrs a ei zuda di corsa par distudâ un fôc ch’al si era impiât ta la çasa di una veça di otantaseis ains, ch’a varès brusât li patatis in cusina. Pena rivâts i pompiêrs a àn distudât li flamis, rivant cussì a blocâlis prima ch’a çapassin i geranios blancs, propit sot li fignestris da la cusina. Un atri intervent al è stât fat ta un çamp pôc lontan da la çasa da la veça, dulà ch’al si era impiât un fôc ença lì; i pompiêrs a lu àn distudât davorman. A no si cognossin ençamò li resons dal secont fôc, e su chistis a stan investigant cun granda atenssion li fuarsis dal ordin. Pal moment a tain fôr la responsabilitât da li patatis brusadis da la veça. A ni somea dut câs stramp che il secont fôc al si sedi impiât pal çalt, ch’a nol è bastansa fuart, e i vin un cualchi suspiet ch’al sedi in assion un sert veçu cun massa timp libar e massa fulminants in sacheta, come ch’al è sussedût tai ains passâts. / r.p.
Storia scrita par furlan, ta la variant di Dograva di San Zors da la Richinvelda.
Hot news: Local firemen had an afternoon on fire. Two interventions, one after the other. Yesterday in the early afternoon, a team of firemen rushed to extinguish a fire that had started in the house of an eighty-six-year-old woman, who reportedly burnt her potatoes in the kitchen. As soon as they had arrived, the firemen put out the flames, managing to stop them before they reached the white geraniums, right under the kitchen windows. Another intervention took place in a field not far from the elderly woman’s house, where there too a fire had started; the firemen extinguished it immediately. The reasons for the second fire are still unknown, and these are being investigated by law enforcement with great attention. For now, they have ruled out the responsibility of the old woman’s burnt potatoes. It still seems strange to us that the second fire should have started due to the heat, which is not intense enough, and we have some suspicions that a certain elderly man with too much free time and too many matches in his pocket may be at work, as has happened in past years. / r.p.
Story written in Friulian, in the variant of Dograva di San Zors da la Richinvelda.