I pompîrs a salvin un cjanut colât inte roie a Pordenon: Lis vuacadis di un cjanut, colât intune roie dongje vie Prasecco a Pordenon, a àn riclamât inte matine sul tart di vuê la atenzion di chei che a passavin par li, che a àn clamât daurman i socors. Alertade cussì la sale operative dai Vigjii dal Fûc di Pordenon, che e à mandât sul puest une scuadre. I pompîrs a àn daurman cjatât la puare besteute, aromai cuasi cence fuarcis che no rivave a saltâ fûr de aghe. Doi pompîrs a àn rivât a lâ jù te roie a cjapâlu, par dopo lassâlu intes mans dai volontaris dal socors veterinari. Il proprietari dal cjanut, che lu stave cirint, al è rivât pôc dopo; al à cussì podût tornâ a zontâsi cul so amì a cuatri çatis.
Firemen save a puppy fallen into a canal in Pordenon: The barking of a puppy, fallen into a canal near Prasecco Street in Pordenon, caught the attention of passers-by late this morning, who promptly rang for emergency services. The operations room of the Pordenon fire brigade was therefore alerted and sent a team to the scene. Firemen immediately found the poor little animal, by then nearly out of strength and unable to climb out of the water. Two firemen managed to go down into the canal and retrieve it, then left it in the hands of veterinary rescue volunteers. The puppy’s owner, who was searching for it, arrived soon after; he was therefore able to be reunited with his four-legged friend.
Friulian vocabulary
- un pompîr, fireman
- un cjanut, puppy
- colâ, to fall
- une vuacade, bark {of a dog}
- une roie, irrigation ditch
- une scuadre, team
- aromai, by then, now
- la fuarce, strength, force
- une besteute, little animal
- une çate, paw, leg {of an animal}
- a cuatri çatis, four-legged
Ce ise une roie? Une roie e je un canâl artificiâl di puartade moderade, nassude soredut pe irigazion o par proviodi mulins a aghe e piçulis centrâls eletrichis. In Friûl ind è une vore, grandis e piçulis, a voltis cussì piçulis di someâ riui. What is a roie? It is an artificial canal with moderate flow, created primarily for irrigation or to power water mills and small hydroelectric plants. In Friûl there are many of them, large and small, sometimes so small they resemble streams.
Vuacâ: to bark. Chel cjan al è simpri che al vuache: that dog is always barking. Une vuacade: bark {of a dog}. O soi stât sveât dute la gnot par vie des vuacadis di chel cjan: I was awake all night because of that dog’s barking.
Friulian grammar
I pompîrs a àn rivât a lâ jù: the firemen managed to go down. Il proprietari al è rivât pôc dopo: the owner arrived soon after. When rivâ means to be able, to manage, the auxiliary vê is used in the compound tenses; when it means to come, to arrive, the auxiliary is rather jessi.