Matieu XIII,31-35: Ur contà un’altre parabule disint: «Il ream dai cîi al è compagn di un grignel di senape che un om al cjapà e lu semenà tal so cjamp. E je di sigûr la plui piçule di dutis lis semencis, ma cuant che al è cressût al è il plui grant di dutis lis jerbis dal ort: al pò deventâ ancje un arbul e cussì i ucei dal cîl a puedin vignî a fâ il nît framieç dai siei ramaçs». Ur contà un’altre parabule: «Il ream dai cîi al è compagn di un pugn di levan che une femine e cjape e lu messede in trê misuris di farine, fin che dute la paste no je jevade». Dutis chestis robis Jesù ur es disè a lis folis in parabulis e ur fevelave dome in parabulis, par che si colmàs ce che al veve nunziât il profete, là che al dîs: O vierzarai la mê bocje in parabulis, o publicarai robis platadis fin de fondazion dal mont.