Matieu VIII,23-27: Montât su la barcje, i lerin daûr i siei dissepui. E ve che si jevà sul mâr une burascje tant grande che la barcje e stave par jessi taponade des ondis; e lui al durmive. I lerin dongje e lu svearin disint: «Signôr, salvinus, che o sin in pericul!». Ur disè Jesù: «Parcè mo vêso pôre, oms di pocje fede?». E, jevât sù, ur cridà ai aiars e al mâr e si fasè une grande calme. I oms a restarin scaturîts e a disevin: «Ma cui isal chel chi, che lu ubidissin parfin i aiars e il mâr?».