Esercizî di divozion durant la S. Messa, pp. 19-20. Al' Introït. Il Sacerdòt si presenta al' altàr come penitent e a nom proprî e di dut il popul, diss il Confiteor. At di afiet. ¬ Mio Dio! vebit pietàt di me second la grandeza dela Vestra bontàt e second la moltitudine delis Vestris misericordis cancelait lis mes iniquitàz. Jo jai l' ardiment di comparius denant, adonta che jai meritàt cetantis voltis di jessi bandit dala Vestra presenza. Jo mi avicini al Vestri altàr senza rifleti, che tantis voltis jai meritàt di jessi schiazàt via. Le me front le cuviarta di confusion. O mio Dio! jo tremi come che trema un pechiatòr avant che persona, dala qual dev jessi justamenti acusàt, e come un reo avant il tribunal del so judiz adiràt. Vebit pietàt di me, o Signòr! second la grandeza dela Vestra bontàt e second la moltitudine delis Vestris misericordis cancelait lis mes iniquitàz. — A. Leonardis, Libri di prejeris pal cristian cun una racolta di orazions, 1855.