Ledanâr, mussulin: li che si da dongje il ledan par che al sabulissi e si puedi butâ tai cjamps.
Citazion: Il ledan si metilu tal ledanâr, che si clame ancje la «cort». [...] Se la cort e je piçule, o pûr si fasile te braide, sul cjaveçâl, intun sflic pustot, sot di un morâr, alore si clamile «mussulin». Cheste peraule si cjatile ancje tal vocabolari furlan dal 1871 (il Pirona «vieri»). E vignarà di «musse» che e vûl dî «côl», «cavol» e, une volte, ancje «onde grande». — Enos Costantin, «Come çus su la palade», La Patrie dal Friûl, 15 di Fevrâr dal 2020.
Citazion: [...] e cumò nissun la viôt plui in glesie parvìe che une dì j àn spelade la crodie a gratis, sore ch'e tacave cun duc': talians, todescs, crauàz, e fintremai cui cosacs ch'a spuzzavin come mussulins tre miis di lontan. — Josef Marchet, Lis predicjs dal muini.
Riflession: No simpri cui che ti cuvierç di ledan al vûl il to mâl; no simpri cui che ti gjave dal ledanâr al vûl il to ben.