Prejeris par la matina, pp. 6-7. Orazion par domandà a Dio la grazia d'impiegà ben il timp. Mio Dio, che dal dì, che jo soi al mond, jai tant ofindut e cula piardita che jai fat del timp destinàt ala pratica delis bunis operis par la me santificazion e par l'edificazion del me prossim, e che jo invece jai consumàt cul cori daür alis chiossis mondanis che passin come un lamp no permetit, che jo no an fasi plui abùs, ma concedeimit la grazia che il pensir del cont, che jo Us dovarai rindi un dì, mi fasi impiegà, da chista zornada in avant, utilmenti il timp che mi resta a vivi sula tiara, afinchè jo puedi nel nom e par i meriz di Gesù Crist, cun una continua aplicazion a miei dovès, aquistami che vita eterna, par la qual son staz creaz. — A. Leonardis, Libri di prejeris pal cristian cun una racolta di orazions, 1855.