Mio Dio! jo mi svei par laudaus. O Signor! principî di dug i timps, dutis lis oris dela me vita son Vestris, e jo intindi in ogni moment di chista zornada di fa a Vo un'ofiarta di dut quant me e di dut chel che mi aparten. Oh se jo podess glorificaus uè tant quant che dug iù umign Us ofindaràn! Il me cur le pront, o Signòr! e al aspira a Vo soltant.
O Creator dela lus, iluminaimit, aciochè jo no mi induarmidissi nel pechiàt. Io uaress pluitost che Vo mi privassis dela vita che dela Vostra grazia. Io rinunzi a dut chel che Vi displass; e in chiesta zornada jo uei distruzi in me dut chel no Us agradis. Io uei amà Vo sol, o mio Dio; in Vo soltant uei meti ogni me speranza: no permetit, che jo mi confondi e resti svergonzàt. Daimit la protezion dei Vestris Agnui e fait che l'intercession dei Vestris Sanz mi sedi util. Vebit pietàt di me par il motif che la speranza le tant granda, che la me anima no confida che in Vo.