Audio 🔊
Al è dibant lâ a cirĂ® GargagnĂ su lis mapis dal FriĂ»l: no si cjatilu nancje in chĂŞs plui minudis e precisis ch'a dòprin i militârs, indulĂ ch'a son segnadis fin lis farcadizzis. GargagnĂ nol è une «entitât geografiche»; al è une «entitât morâl», un fat di custum: al è dut il FriĂ»l cjalât de bande dal ledrĂ´s, di chĂŞ bande dulĂ che une tele 'e mostre duc' i siei grops, dutis lis zontis, lis mendis, i difiez, insumis dute la veretât.
'O sin usâz a une forme di retoriche a bon presi, ch'e puarte adalt tant il nestri paîs, che il nestri popul, parsore di duc' chealtris vizzins e lontans. Chest al è il dret; ma 'e ûl metude in cont ancje chealtre muse, bisugne ve la fuarze di cjalâ dut cence parevoi e di pesâ dut cence baronade. In tun quadri lis robis claris a' pà rin plui lusorôsis s'a son dongje lis ombris e lis maglis; e s'a no son ombris ne maglis, si po sta sigûrs che je dute une bausie, e no ven nancje voe di cjalâle.
Cheste veretât 'e je la urdidure di chest libri; la trame invezzi 'e je une fente, une bausie: e salacôr j covente une peraule di spiegazion. Secont cheste fente, Gargagnà di 'Sore 'e je une vile dal Friûl di miez: une frazion, nus à n insegnât a dî i talians, cun siet-votcent animis; e in union cun Gargagnà di 'Sot, cun Lupignan e qualchi altri cjasâl plui minût, a' fòrmin il Cumon di Scufons. A Gargagnà di 'Sot 'e je la cumune e la plêf e un pôc di moviment comerziâl ch'al dà a cheste vile un fregul di ande zitadine. A Gargagnà di 'Sore nol è nuje: al è un borgat di staipis e di landris; di muraz cence stabilidure, di tamars plens dome di catans e scovazzis, di int grobiane plene di presunzion e di pratesis. Dapît la vile 'e je l'uniche abitazion zivîl dal paîs: la ostarie di Florean Baduscli, un forest ch'al sa fâ i siei interes cence tros scrupui; insomp, a un tîr di sclope des cjasis, 'e je la gleseute di S. Pieri, une costruzion dal Cincent cun tune cjampanute sul colm de fazzade e un puartiut davant de puarte, su la strade. Za timp in cheste glesie al jere un vicjari curât, ch'al dipendeve dal plevan de vile di 'Sot; ma cumò nol è nissun, parvìe che la int di Gargagnà di 'Sore 'e sta miôr cence che i predis a' vegnin a meti il nâs tai lôr afârs e a impazzâsi des lôr cragnis. Cussì il paîs al è cence cure d'animis di nissune sorte: il plevan al mande qualchi predi a dî messe a S. Pieri la domenie e qualchi rare volte in disdivôre (par solit al rive-sù sfanchinant e tirant l'à sime, pre Scjefin, un capelan vieli e clopadìz, che 'ndi à une gnoche a fâ chel quart d'ore di rive). La glesie 'e je pizzule, che un cinquante di lôr a' stèntin a stâ dentri: al ven a messe un troput di feminis, qualchi fantazzute, un cjap di fruz e vot o dîs umign.
La vilie des fiestis, soresere, il muini de glesie al ten-sù il rosari, e une dozene di personis fra granc' e pizzui, a' vègnin a preâ. Il muini di Gargagnà al è Vigj Scuete: un muini monumentâl, grant e grues, sclet di lenghe e simpri sigûr di sè. Nassût in chel altri secul, al è stât dibot trente agn pal mont, prin su lis fornâs di modon e po a fâ il manauâl e il muridôr. Cui carantans cjapâz e metûz-vie al è rivât adore di cjoli un pâr di cjampuz di tiare e une barache ch'al à sdrumade par fâ-sù une sô cjasute. Passade la prime uere nol è plui lât in niò: al à vivût cun chel tocut di braide e fasint dalminis par dut il paîs. Tal prin no j mancjavin aventôrs e al lavorà fuart; ma dopo che-altre uere a' son lâz simpri al mancul, e cumò a' son restâz dome sîs o siet viej che, vie pal unviâr, a' puà rtin ancjemò chei impresc'.
Vigj al fâs il muini sore nuje; ma cun chĂŞ scuse al si sint la prime autoritât dal paĂ®s. La sere prin des fiestis al va-jĂą dal plevan a cjapâ i ordins pal indoman e il plevan j comande di publicâ in glesie l'orari de messe e des funzions e qualchi altri avĂ®s. E di chĂŞ bande lui si profite par tirâle in lunc, strucjant fĂ»r dut ce che j bol tal stomi: lis sĂ´s impinions, i siei comenz, lis sĂ´s critichis, lis sĂ´s sentenzis sul cont des personis e dai faz di GargagnĂ di 'Sore. Cussi 'e ven fĂ»r ogni volte une «predicje dal muini» curte, sclete, cuinzade cun sâl e pevar e asĂŞt. Parce ch'al va dit che Vigj Scuete nol Ă parevoi ne smuars in bocje: nol Ă riuart par nissun, ne zovins ne viej, ne puars ne siĂ´rs, ne ignoranz ne studiâz, nancje pe sĂ´ parentât, nancje par sĂ´ fie, nancje pai predis... Co no j pâr juste une robe qualunche, al sune pal timp cence nissune remission. Vigj Scuete al è un bon cristian di fede ferme e sclete, cence complicazions e cence buerisinis pulitichis; e i siei judizzis a' son, in fin dai conz, judizzis ch'al podarĂ©s dĂ®ju il plevan; 'e je la maniere di presentâju, lis peraulis, il lengaz ch'al tae, ch'al sponz e qualchi volte al è tant ordenari, che il plevan nol podares fâsi sintĂ® a doprâlu.
Cussì mo qualchidun al Ă vĂ»t il pinsĂ®r di rincurâ e di meti insieme almancul un braz di dutis chestis predicjs, ch'a son stadis publicadis ancje in qualchi sfuei, come testimonianze di vite furlane in tun moment speciâl de nestre storie — i prins agns dopo la uere — e come esempli di lenghe furlane ancjemò nete cence messedanzis e cence contaminazions. Par chest troi al è rivât chest librut.
pre Josef Marchet
Udin, 1965.