Buinç (s.m.): arc di len di meti su lis spalis, cuntun rimpin par bande, par puartâ dôs cjamis che si belancin, pal solit doi cjaldîrs di aghe.
Cjaldîr (s.m.): recipient avonde grant de cusine tradizionâl, pal solit di ram, doprât par puartâ la aghe e par tignîle in cjase.
Citazion: Veiso fat il presepio sot il seglâr? Veiso metût chel tâl ch’al fâs la polente, chel altri ch’al mene la pigne, chê femenute ch’e va a urî aghe cul buinz, chel ch’al rustìs lis buèriis, chel vieli ch’al sune la bulziche? E il mulin cu la muele ch’e côr sun tun riul di stagnole? E il cjscjel cui manigolz ch’a fàsin la uàite cul spizzot su la spale? — Josef Marchet, Lis predicjs dal muini.
Citazion: E Luziute Stropule parcè lassie lâ atôr sô fie cun chê bavesele di cotulin che j rive une spane parsore i zenoi? Cui crodie che si puedi inamorâ di chês dôs polpetis a buinz, colôr brût di ledan, ch'e met in mostre? — Josef Marchet, Lis predicjs dal muini.
Fotografie: Civics Museus di Udin.